Ita estudante eskola sekundária, tinan entre 15 - 20?
Bele fó opinaun sira?
Kona-ba survei ne’e
Bele fó opinaun sira?
Kona-ba survei ne’e
|
Ami halo survei ne’e ba estudante sira iha eskola sekundária iha Timor-Leste ne’ebé nia tinan entre 15-20. Survei ne’e voluntáriu de’it no Ita la presiza partisipa se Ita lakohi.
Survei ne’e sei han tempu maizoumenus minutu 15-20. Se Ita lakohi hatán pergunta ruma, hili opsaun ne’e de’it, ka husik pergunta ne’e mamuk. Ami sei uza de’it buat ne’ebé Ita submete iha survei ne’e nia rohan. Survei ne’e iha língua Tetun, maibé Ita bele hatán iha língua Tetun, Portugés, Indonézia ka Inglés. Ita bele para halo survei ne’e iha kada tempu no sai husi website. Ami sei halo saida ho informasaun ne’e
Ami sei uza informasaun ne’e atu hakerek relatóriu, artigu ka livru kona-ba buat ne’ebé foin-sa’e sira gosta no la gosta iha Timor-Leste. Maibé informasaun ne’e enjerál de’it, la’ós kona-ba Ita rasik. Ami mós dalaruma sei uza informasaun ne’e nu’udar parte husi peskiza ka grupu fokus seluk, maibé ne’e nunka kona-ba Ita rasik. |
Ita-nia privasidade
Ba survei ida-ne’e ami la presiza hatene Ita-nia naran, no ami sei la bele identifika Ita ne’e sé. Ami husu de’it kona-ba Ita-nia eskola, tinan, no jéneru hodi bele komprende informasaun ne’e di’ak liu tan. Ita-nia opiniaun importante no interesante mai ami, entaun favór ida hatán ho buat ne’ebé loos ba Ita rasik! Ita bele fahe Ita-nia resposta ho kolega sira seluk, ka Ita-nia resposta bele privadu no fó hatene ami de’it. Ne’e konforme ita-nia hakarak de’it. Tanba Ita-nia resposta ne’e iha internet, Ita-nia resposta sira mai kedas ami iha Australia, la’ós Ita-nia eskola ka komunidade ka ema ruma iha Timor-Leste |
Problema ka pergunta ruma?
Se Ita hakarak hato’o lamentasaun kona-ba atividade ne’e, Ita bele ko’alia ho Ita-nia eskola, ka hato’o lamentasaun IHA-NE’E.
Se Ita hakarak hato’o lamentasaun kona-ba atividade ne’e, Ita bele ko’alia ho Ita-nia eskola, ka hato’o lamentasaun IHA-NE’E.
Ita sei hakarak kontinua ka lae?
Favór ida deside se Ita aseita ka la aseita atu partisipa.
Favór ida deside se Ita aseita ka la aseita atu partisipa.
Kona-ba tópiku ne’e
Website ida-ne’e mak website atu halo peskiza no komprende kona-ba tipu istória ne’ebé foin-sa’e sira iha Timor-Leste gosta. Dosente rua husi University of Technology Sydney mak kria website ne’e, tanba sira interese atu hatene kona-ba tipu istória ne’ebé foin-sa’e sira gosta lee ka haree iha vídeo no televizaun. Informasaun ne’e sei ajuda ami hakerek livru ba foin-sa’e sira iha Timor-Leste.
Website ida-ne’e mak website atu halo peskiza no komprende kona-ba tipu istória ne’ebé foin-sa’e sira iha Timor-Leste gosta. Dosente rua husi University of Technology Sydney mak kria website ne’e, tanba sira interese atu hatene kona-ba tipu istória ne’ebé foin-sa’e sira gosta lee ka haree iha vídeo no televizaun. Informasaun ne’e sei ajuda ami hakerek livru ba foin-sa’e sira iha Timor-Leste.
Kona-ba peskizadór sira
Dra. Marie servisu tinan barak ona iha Timor-Leste iha edukasaun, no Dr. Don mak espertu kona-ba lee iha eskola. Iha pasadu ami mak mestre eskola sekundária. Agora ami halo peskiza kona-ba eskola no estudante sira
Ami kria ona survei ne'e atu husu estudante sira iha Timor-leste kona-ba saida mak sira gosta bainhira lee ka haree. Atividade ne'e hodi permisaun husi universidade-nia grupu etica, Projetu ETH21-6209. Mos, Ministério da Educação, Juventude e Desporto RDTL fó permisaun atu usa survei ne'e.
Dra. Marie servisu tinan barak ona iha Timor-Leste iha edukasaun, no Dr. Don mak espertu kona-ba lee iha eskola. Iha pasadu ami mak mestre eskola sekundária. Agora ami halo peskiza kona-ba eskola no estudante sira
Ami kria ona survei ne'e atu husu estudante sira iha Timor-leste kona-ba saida mak sira gosta bainhira lee ka haree. Atividade ne'e hodi permisaun husi universidade-nia grupu etica, Projetu ETH21-6209. Mos, Ministério da Educação, Juventude e Desporto RDTL fó permisaun atu usa survei ne'e.
Dra Marie Quinn
IHA-NE'E para informasaun konaba Dra Marie |
Dr Don Carter
IHA-NE'E para informasaun konaba Dr Don |
